நிலக்கடலை நடவு செய்வதற்கு, நன்கு மக்கிய உரம் இடவும், குறிப்பாக மாட்டு சாணம் மற்றும் ஆட்டு சாணம் ஆகியவை ஒரு ஏக்கருக்கு சுமார் 5 முதல் 10 டிராக்டர் உரம் தேவைப்படும்.
அதற்க்கு பிறகு, அதிக புல், கோரைகள் மற்றும் இதர களைகள் அதிகமாக இருந்தால், டிராக்டரில் 5 கலப்பை அல்லது 7 கலப்பையை பயன்படுத்தி நன்கு உழவவேண்டும்.
களைகள் அனைத்தும் காய்ந்த பிறகு, அதாவது 3 முதல் 5 நாட்கள் கழித்து ரொட்டேட்டரில் மண்ணை தூள் செய்து, பின்பு மினி டிராக்டரைப் பயன்படுத்தி பார் அமைத்துக் கொள்ளவேண்டும்.
களைகள் அதிகமாக விவசாய நிலத்தில் இல்லை என்றால், ரோட்டேட்டரில் மண்ணை தூள் செய்து, பின்பு மினி டிராக்டர் பயன்படுத்தி பார் அமைத்துக் கொண்டால் போதுமானது.
தொழு உரமிட்டு நிலத்தை தயார் செய்த நிலையில் விவசாய நிலத்தில் போதுமான அளவு சத்து இல்லை என்று நீங்கள் நினைத்தால் பார் அமைக்கும் முன் அதாவது, ரொட்டேட்டரில் மண்ணை தூள் செய்த பிறகு 1 ஏக்கருக்கு DAP- 2 மூட்டை அல்லது super என்று அழைக்கப்படும் SSP – 4 மூட்டை மற்றும் Hexaconazole குருணை 4 கிலோ கண்டிப்பாக பயன்படுத்த வேண்டும்.